ಜೀವನಕ್ಕೇ ವಿಜಯ

Two Yellow Flowers Surrounded by Rocks
ಮೂಲ ಹಿಂದಿ ಕವಿತೆ - ಮೈಥಿಲೀಶರಣ ಗುಪ್ತ 
ಅನುವಾದ - ಸಿ. ಪಿ. ರವಿಕುಮಾರ್ 

ವ್ಯರ್ಥ ಮೃತ್ಯುವಿನ ಭಯ
ಜೀವನಕ್ಕೇ ವಿಜಯ


ಬೇರನು ಸುದೃಢಗೊಳಿಸುತ ಜೀವ 
ನಿತ್ಯ ಗಳಿಸುತಿದೆ ಹೊಸವೈಭವವ
ಮರುವುಟ್ಟು ಪಡೆಯುವನು  ಮಗುವಲ್ಲಿ ಮಾನವ 
ಈ ಆತ್ಮವು ಅಕ್ಷಯ 
ಜೀವನಕ್ಕೇ ವಿಜಯ  

ಜಾಗೃತಗೊಳುವುದು ಜೀವನ ಕಣ್ಬಿಚ್ಚಿ  
ಮರಣವೋ! ನಿಶ್ಚೇಷ್ಟಿತ, ಕಣ್ಮುಚ್ಚಿ! 
ಒಂದು ಬೀಜ ನೂರಾಗುವ ಸೃಷ್ಟಿ 
ಕರ್ತನು ತುಂಬಾ ಸದಯ!
ಜೀವನಕ್ಕೇ ವಿಜಯ


ಜೀವನಕ್ಕಾಗಿ ಸಾಯಲೂ ನಾ ಸಿದ್ಧ!
ಎಲ್ಲಡಗಿಸಲೀ ಧನವನು ಭದ್ರ? 
ತಿಳಿಯದೆ ಬಳಸಿದರಿದರೌಚಿತ್ಯ 
ಮಾತ್ರ ಖಂಡಿತ ಪ್ರಳಯ! 
ಜೀವನಕ್ಕೇ ವಿಜಯ



ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

"ಬಾರಿಸು ಕನ್ನಡ ಡಿಂಡಿಮವ" - ಒಂದು ಮರು ಓದು

ಕರ್ನಾಟಕ ನಾಡಗೀತೆ - ಒಂದು ಸರಳ ಅರ್ಥವಿವರಣೆ

ಆಡು ಮುಟ್ಟದ ಸೊಪ್ಪಿಲ್ಲ (ಹರಟೆ)